Häichri Maddemaddik

Däß deerf nit wohr sei:
De Knerzel-Sepp,
der Bleedmann,
der Owerdepp,
de dummscht vun unsre ganze Klass
-mit weirem Abstand de dummscht ! -,
-nie besser wie en Fimfer im Rechle,

awwer
s e c h s Richtiche
im Lotto !!

Ich mäicht wisse,
far waß
dass i c h
´s Abedur gemacht häbb !

( von Gerd RUNCK, Zweibrücker Str. 11, 76829 Landau i.d.Pf.
  aus seinem neuesten Buch „E rundi Sach , Gedichteltes in Pälzer Mundart „ )