Ahneforschung

De DARWIN hot emole gsaacht,
de Mensch stammt ab vum Aff.
In seine Zeit war däß gewaacht,
heit juckt des kaum en Paff.

Nadierlich esch die Wissenschaft
um en Beweis bemieht;
sie suucht drumääwe fiewerhaft
des Affmensch – Zwischeglied.

Des taucht mol uff im Gletschereis,
mol spurt´s im Nepalschnee;
in Schottland – macht uns änner weiß -,
do haust´s in ämme See.

Waß sell des ganze Pipapo ?”,
määnt neilich mein Friseer.
“De Mensch, der esch noch gar nit do...
des Zwischeglied sinn m e e r !“



( von dem bekannten pfälzischen Mundartdichter GERD RUNCK.
Aus seinem neuesten Buch „ E rundi Sach )