Pälzer Keschde – Brieh ( nooch ämme Rezept vun anno duwack ) Mer nämmt 1 Pund Keschde, dut die Schale kreizweis eischneide un kocht des Ganze ¼ Schtunn in Salzwasser. Die häße Keschde schäile un in zwää Liter Fläschbrieh gut wääch koche. Keschde rausnämme un dorch de Flääschwolf drehe. 150 g roher Schinke in klänne Wirfel schneire un mit de Keschde in die Brieh serick gäwwe. E Bund Peterle un e bissel Marau schäi klää hacke un dezu schmeiße. Uffkoche losse un mit Peffer, Muschkat un ämme Leffel Keschdehonich abschmecke. Wann jetz die Supp e bissel dick worre esch, dann gäbsch en Schuss Riesling dezu. Jetzert musch noch Weißbroutwerfel in Butter röschde un iwwer die Supp gäwwe. Wann die Brieh nit sou richtich zu der gäih will, kannsch se mim Reschd vun de agebrochene Flasch Riesling nunner schbiele. Proscht Mahlzeit !